எகிப்தியர்களும் கணிதமும்*

*எகிப்தியர்களும் கணிதமும்*

கணிதத்தில் முன்னோடிகளாக விளங்கியவர்கள் பாபிலோனியர்களும் இந்தியர்களும் தான். அவர்களுக்கு சமமாக கணிதத்தில் இருந்தவர்கள் எகிப்தியர்களும் அவர்களிடம் இருந்து பின் தொடர்ந்த கிரேக்கர்களும் தான். எகிப்தியர்களின் கணித வளர்ச்சிக்கு மிக முக்கியமான காரணம் நைல் நதி தான். நைல் நதிக்கரையோரம் மக்கள் வாழ ஆரம்பிக்கின்றார்கள். அப்போது அவர்களுக்கு ஒரு பெரும் சிக்கல் ஏற்படுகின்றது, எப்போது வெள்ளம் வரும் எப்போது நீரின் அளவு குறைவாக இருக்கும் என்பதே. அப்போது நாட்காட்டிகள் எல்லாம் இல்லை, இவர்களே மெல்ல மெல்ல நாட்காட்டிகளை உருவாக்குகின்றார்கள். இவர்களின் பெரும்பாலான கோட்பாட்டு அடிப்படையில் இல்லாமல் நடைமுறை தேவைகளுக்கு ஏற்பவே அமைந்தனர்.  அளவியலில் (Surveying) எகிப்தியர்கள் பெரும் முன்னேற்றம் கண்டனர். கால்விரல்கள் கொண்டு தசம எண் முறைகளில் முன்னேறி இருந்தார்கள். ரைன் பாப்பிரஸ் (Rhind papyrus) இவர்கள் கண்டுபிடித்த பல கண்டுபிடிப்புகளுக்கான வழிகாட்டி/பெட்டகம்.

இவர்களின் பெரும் பிரச்சனை முழுமை பெறாத கண்டுபிடிப்புகள். அவர்கள் முறைகள் எல்லாம் பிறை திருத்தச் சுழற்சி முறையிலேயே அமைந்தன. எதையும் நிரூபித்து கணக்கிடவில்லை. அந்நாட்களிலேயே விட்டத்தின் பரப்பளவினை ஓரளவு சரியாக கணக்கிட்டார்கள். விட்டத்தினை உள்ளடக்கும் சதுரம் கொண்டு அதன் பரப்பளவினை கணக்கிட்டனர்.

எகிப்தியர்கள் உருவாக்கிய மாபெரும் பிரமிடுகளில் ஏகப்பட்ட கணித கருத்துக்களை உள்வாக்கி இருந்தன. மிக முக்கியமானவை செங்கோணங்கள் (Right Angled Triangle). பிரமிட்டும் கணிதமும் பற்றி படிக்கவே மூச்சு முட்டும். அவர்கள் பிரமிட்டின் கொள்ளளவினைக்கூட ஓரளவு சரியாகவே கணக்கிட்டு இருந்தார்கள்.

எல்லா வரலாற்றையும் புரட்டும்போது தேவையே பல ஆராய்ச்சிகளுக்கும் கண்டுபிடிப்புகளுக்கும் காரணமாய் அமைந்திருக்கின்றன. கணித வளர்ச்சியும் அப்படியே.

-விழியன்
#நான்_ஒரு_கணிதப்_பைத்தியம்

நன்றி திரு.விழியன்...