பொன்னும் வேண்டாம்
பொருளும் வேண்டாம்
அன்பு நிறைந்த
வாய் நிறைந்த
மனம் நிறைந்த
புன்னகை ஒன்றே போதும் -
அன்னையவள் குதூகலிக்க !
பாராட்டுப் பத்திரம் வேண்டாம்
பகட்டான பட்டும் வேண்டாம்
பளபளக்கும் பொன்னும் வேண்டாம்
பசிக்காக நாமழுத போது
தன் உதிரம் அதையே
பாலாக்கி கொடுத்தவள் மீது
பாசம் கொண்டாலே போதும் !
கரம் பற்றி நடை பயிற்றுவித்தவள்
நாம் துவண்டு விழுந்தபோது
கை கொடுத்து தூக்கி விட்டு
நம்பிக்கையை காலமெலாம்
துணையாக்கித் தந்தவள்
கரங்களை ஆசையுடன்
பற்றியிருந்தாலே போதும் !
அன்னையர்தம் ஆசியில்
ஆசையெலாம் நிறைவேறும்
அன்னை காட்டிய அன்பினை
கற்றுத் தந்த பாசம் தனை
பிற உயிர்கள் மீதும் காட்டினால்
அகிலமே அழகாகும் ! - அன்பிலே
ஆனந்தமே நிலையாகும் !
அன்னையர் தின நல்வாழ்த்துகள் !
நன்றி
சிவா...
No comments:
Post a Comment